Ateras
bortas hapu scrittu de su ballu sardu classicu (su ballu tundu) chi
si baddàt in is prazzas de is biddas po is festas de pustis de sa
regorta. In Marmilla – hoi inci poneus aintru puru Parti de Montis,
Parti de Useddus e Parti de Valenza, chi connosceus cumenti a Alta
Marmilla – is prazzas fuant casi sempri sene impedrau e po cussu,
primu de cumenzai is ballus, ddas affriscorànt po no pesai pruini,
mancai su sciustu (infustu) essit durau pagu meda.
De
su “ballu de cresia”, fattu in prazza de cresia appustis de sa
Missa Manna, de cumenti essit partu una cosa seria, casi una
pregadoria antiga, mi parrit de ind’hai scrittu in custu blog, ma
no mi dd’ammentu beni candu.