Hoi s'est tentu su combenniu de Quartucciu, asuba de LINGUA SARDA IN SA SCOLA DE S'INFANZIA E DE S'OBBLIGU. Custa est sa relazioni mia, primu in sardu e pustis in italianu puru.
LINGUA
SARDA: CINCU PREGONTAS FACILIS FACILIS
Francu
Pilloni – Quartucciu 18/02/2017
Su
tema de su bilinguismu est presenti in Sardigna de cinquant'annus e
prus.
No
boleus torrai a passai is passus fattus, a cumenzai de su ch'hiat
scrittu Michelangiulu Pira in su 1960 in sa rivista Ichnusa,
ca
segundu
issu su dialettu sardu est stetiu s'impedimentu prus mannu a
s'intrada de is sardus in su processu de sa civilizzazioni e de su
progressu, po arribbai a su chi heus a nai hoi innoi. Unu camminu
longu accumpagiau de abbetias chi no funti renescias a beni a pari.
Siat
a praxiri, a su contrariu, de arrimai a una parti is polemicas
istantissadas e torrai a partiri de unu puntu firmu chi portaus in
bidea de agatai respundendi a cincu pregontas: